Intacto
Tocar a túa satisfacción
e as rosas durmidas sobre o teu ventre.
Sombras azuis invaden a galaxia
dos nosos corpos, intactos corpos,
veloces corpos que cospen medos.
Tocar o teu corazón de sangue morno
e sentir o pulso durmido nas mans unidas
polo singular e polo plural.
Sombras e sombras unidas aos poros
da túa pel, branca pel, algo máis que pel
e algo máis que AMOR.
E os corpos que falan,
falan agora que limpo o horizonte
coas miñas mans de cruceiro.
